TRAGJIKE: Armand Hysi humb jetën nga infrakt kardiak

Një ngjarje tragjike ka ndodhur përpara disa castesh në Sarandë.
Kreu i Hipotekës së Sarandës Armand Hysi ka humbur jetën pas një infrakti kardiak që ka pësuar në vendin e punës.
Armand Hysi ishte emëruar në këtë detyrë vetëm pak muaj më parë. Brenda një kohe të shkurtër kishte arritur ta kthente zyrën e Hipotekës në një nga institucionet më të suksesshme të Sarandës.
Armand Hysi ishte gjithashtu anëtar i Këshillit Bashkiak të Sarandës. Gjithashtu dhe Petagog në Universitetin “Eqerem Cabej” në Gjirokastër.
Emri i Armand Hysit ishte një nga kandidaturat më të rëndësishme të Partisë Socialiste për drejtimin e Bashkisë Sarandë.

Presidenti Ilir Meta, ka marrë pjesë edhe në dorëzimin e Titullit “Për merita të veçanta” akorduar Armand Hysit. Ai ka shkruar edhe për mbresat pas largimit nga qyteti:
Një kontribut të paharruar për zhvillimin e këtij qyteti… Duke lënë pas një trashëgimi të pasur, me studime e publikime në fushën ekonomike, ka dhënë edhe Dr.Armand Hysi… Një emër i nderuar dhe i vlerësuar nga qytetarët e Sarandës… Si një intelektual i rrallë e human… I cili ndihmonte qytetarët në nevojë dhe nuk kursehej të mbështeste kauzat sociale të rëndësishme.
Në nderim të punës shumëvjeçare si pedagog e kërkues shkencor… Duke dhënë një ndihmesë të madhe për zhvillimin cilësor ekonomik e social të Sarandës… Pata kënaqësinë ta vlerësoj me Titullin e lartë ‘Për merita të veçanta civile’.
Kemi nevojë të vlerësojmë sa më shumë figura të tilla, që i shërbejnë komunitetit dhe mbeten një model frymëzues i përhershëm solidariteti, humanizmi, por edhe progresi shoqëror, shkruan Presidenti Meta.

VIDEO