Tragjedi në Berdenesh: Ndërron jetë në vendin e punës punonjësi i ujësjellësit
Një ngjarje e rëndë ka tronditur sot komunitetin e vogël të fshatit Berdenesh, ku ka ndërruar jetë për shkaqe natyrale punonjësi i stacionit të pompave të ujësjellësit.
Shtetasi Gramoz Hoxha 54 vjeç, është gjetur pa shenja jete brenda ambienteve të punës, ku dyshohet se ka pësuar arrest kardiak. Ngjarja e papritur ka sjellë trishtim dhe shqetësim mes banorëve dhe kolegëve të tij, të cilët e njohin si një njeri të përkushtuar dhe të qetë.
Në vendngjarje ndodhet grupi hetimor, i cili po punon për të sqaruar me detaje rrethanat e kësaj humbjeje të parakohshme, megjithëse shkaqet paraprake flasin për një vdekje natyrale.
Ngushëllimet më të sinqerta shkojnë për familjen dhe të afërmit e të ndjerit, i cili e mbylli jetën në vendin ku për vite me radhë kishte shërbyer me përkushtim për komunitetin.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
