Qytetari dixhital denoncon fenomenin e hyrjes së automjeteve në Bulevardin e Sarandës. Këtë herë në bulevard është fotografuar një furgon mallrash. Në këtë segment është e ndaluar rreptësisht hyrja e automjeteve gjatë gjithë vitit, përveç një orari gjatë natës. Por siç duket edhe në pamje, ky furgon mallrash ka hyrë në mesin e ditës dhe në një kohë kur në bulevard po shëtisin qindra pushues dhe qytetarë. Megjithëse në hyrjet e bulavardit janë vendosur barriera dhe vazhdimisht policia bashkiake patrullon, duket se sot policia bashkiake i ka mbyllur sytë.
