Banorët e Sarandës prej disa ditësh vuajnë furnizimin e rregullt me ujë të pijshëm. Dhe kur themi furnizim të rregullt kemi parasysh furnizimin normal 1 ose 2 herë nga 1 orë në ditë. Por ditën e sotme gjendja ka qenë alarmante, saqë në të gjitha bisedat dhe kudo tema e bisedës ishte uji. Qytetarët nuk kanë asnjë informacion përse nuk po furnizohen me ujë dhe duke mos ditur asgjë se kur do ti rikthehet normalitetit furnizimi. Në mungesë totale të informacionit, qytetarëve u ngelet të mbajnë sytë nga rubinetat e ujit dhe të luten në Zot që uji të vijë sa më shpejt.
