Reklamë I Love Orange

Sigurimi i fermerëve nga fatkeqësitë natyrore, shteti do të paguajë një pjesë të primit

Sigurimi i fermerëve nga fatkeqësitë natyrore, shteti do të paguajë një pjesë të primit

Fermerët shqiptarë pritet të kenë një skemë sigurimi për të mbuluar dëmet që u shkaktohen nga fatkeqësitë natyrore, si ngricat, breshëri, përmbytjet dhe zjarret.

 

 

Ministri i Bujqësisë dhe Zhvillimit Rural, Andis Salla, njoftoi se puna për hartimin e skemës është drejt përfundimit. Sipas tij, qëllimi është që fermerët të mos përballojnë të vetëm humbjet që mund të shkaktohen nga fenomenet natyrore.

 

Skema parashikohet të jetë e aksesueshme si për fermerët e vegjël, ashtu edhe për fermat e mëdha. Një pjesë e kostos së sigurimit do të mbështetet nga Buxheti i Shtetit, përmes subvencionimit të një pjese të primit që duhet të paguajë fermeri.

 

“Fermeri nuk duhet të mbetet vetëm përballë një stuhie, një ngrice apo një zjarri që mund të dëmtojë punën e një viti të tërë”, deklaroi Salla.

 

Nisma vjen pas shqetësimeve të vazhdueshme të fermerëve për humbjet e prodhimit nga moti ekstrem dhe fatkeqësitë natyrore. Në shumë raste, dëmtimi i kulturave bujqësore mund të përkthehet në humbjen e investimit dhe të ardhurave të një sezoni të tërë.

 

Megjithatë, Ministria e Bujqësisë nuk ka bërë ende publike detajet kryesore të skemës. Nuk dihet se kur do të nisë zbatimi, sa do të jetë masa e subvencionimit nga shteti, cilat kultura bujqësore do të sigurohen dhe çfarë përqindjeje të dëmit do të mbulojë sigurimi.

 

Pikërisht këto elemente do të përcaktojnë nëse skema do të ofrojë mbrojtje reale për fermerët apo do të ketë një përdorim të kufizuar për shkak të kostove dhe kushteve të sigurimit.

 

Ministri Salla deklaroi se synimi është krijimi i një bujqësie më të qëndrueshme dhe më të mbrojtur përballë fatkeqësive natyrore. Tashmë pritet publikimi i skemës së plotë dhe i kushteve konkrete që fermerët duhet të plotësojnë për të përfituar prej saj. Saranda Web

 

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Butrinti rikthehet te fitoret, triumfon bindshëm 3-0 ndaj Tomorit – VIDEO

Butrinti rikthehet te fitoret, triumfon bindshëm 3-0 ndaj Tomorit – VIDEO

22 Nëntor 2026 15:44
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

22 Nëntor 2026 10:15
Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47