Shqiptarët rrahin çiftin gjerman, nuk pranuan të paguanin parkingun në rrugë. Një ngjarje e pazakontë ka ndodhur sonte në plazhin e Bunecit, disa kilometra nga Saranda.Sipas policisë, dy shtetas shqiptar (bashkëshortë), janë konfliktuar fizikisht me shtetasit J.C, 61 vjeç dhe C.C, 59 vjeçe (bashkëshortë) me banim në Gjermani.
Policia thotë se konflikt e sipër çifti shqiptar ka dëmtuar lehtë shtetasin gjerman J.C, dhe më pas janë larguar me shpejtësi duke përfituar nga errësira.
Konflikti sipas policisë. ka nisur për shkak të pagesës së parkimit të automjetit gjerman “Rulot”, tarifë e cila është kërkuar nga ana e çiftit shqiptar duke mos qenë pronarë të zonës (vendit).
Policia e Vlorës në bashkëpunim me Stacionin e Policisë Himarë janë vënë ndjekje të shtetasve në fjalë dhe kanë bërë të mundur kapjen e tyre në aksin rrugor Himarë – Vlorë pranë Orikumit.
Policia ka identifikuar personat e dyshuar si:
1. L.S, 41 vjeç,
2. D. N, 28 vjeçe, të cilët po udhëtonin drejt qytetit të Vlorës me automjetin e tyre tip “Benz”.
Këta shtetas janë shoqëruar drejt Stacionit të Policisë Himarë për veprime të mëtejshme në lidhje me ngjarjen.
