Shoqëria Rajonale Ujësjellës Kanalizime Sarandë sh.a shpall vend vakant për pozicionin “Drejtor Tregtar”

Shoqëria Rajonale Ujësjellës Kanalizime Sarandë sh.a shpall vend vakant për pozicionin “Drejtor Tregtar”

Drejtori tregtar ka këto kompetenca:

a. Siguron mbarëvajtjen dhe zbatimin e procedurave ligjore për të gjithë veprimtarinë ekonomike-financiare të shoqërisë.
b. Siguron zbatimin e praktikave e të procedurave ligjore dhe nënligjore të cilat mbrojnë asetet e shoqërisë dhe administron burimet financiare të saj.
c. Harton planbuxhetin për vitin pasardhës dhe planet financiare strategjike për shoqërinë, të cilat i paraqet për miratim pranë administratorit ekzekutiv.
d. Është përgjegjës dhe nënshkruan pasqyrat financiare vjetore individuale dhe të konsoliduara, si dhe raportin e administrimit, dokumente të cilat ia paraqet për miratim paraprak administratorit ekzekutiv. Administratori ekzekutiv i paraqet Këshillit Mbikëqyrës për miratim të gjitha pasqyrat financiare vjetore, raportin e administrimit, si dhe propozimet për caktimin e fitimit.
e. Kujdeset për mbajtjen e saktë e të rregullt të dokumenteve dhe të librave kontabël të shoqërisë.
f. Ushtron kontrolle periodike mbi veprimtarinë ekonomike-financiare të ndjekur nga specialistët përkatës. Garanton ruajtjen e standardeve të kontrollit të brendshëm financiar dhe zbatimin e standardeve të kontrollit financiar të specifikuara nga Ministria e Financave.
g. Siguron zbatimin e politikave tregtare të shoqërisë.

h. Siguron zbatimin e sistemit financiar dhe të faturim/arkëtimit të shoqërisë.

i. Çdo detyrë të caktuar në kontratën e punës me Administratorin.

Të gjithë të interesuarit janë të lutur të paraqiten pranë zyrave tona të Shoqërisë Rajonale Ujësjellës Kanalizime Sarandë, njëkohësisht mund të dërgojnë edhe aplikimet në adresën e E-mail: [email protected]

– Aplikimet pranohen deri më date 24/11/2023!