Sarandë
Policia ka arrestuar në flagrancë për “Drejtimin e automjetit në gjendje të dehur” një shtetase 28 vjeç, banuese në Sarandë.
Policia e Sarandës ka bërë të mundur kapjen dhe arrestimin e saj, për arsye se:
Më datë 21.06.2017, në lagjen nr.4 Sarandë, në aksin rrugor “Idriz Alidhima”, kjo shtetase duke drejtuar një automjet tip Mercedes Benz, është përplasur më automjetin tip Volkswagen, me drejtues një 24 vjeçar.
Si pasojë e përplasjes, janë dëmtuar lehtë në trup të dy drejtuesit e mjeteve, pa probleme për shëndetin.
Gjithashtu, nga kontrolli që i është bërë drejtueses se mjetit, me ndihmën e aparatit “Drager”, ka rezultuar se kjo shtetase kishte konsumuar pije alkoolike mbi masën e lejuar.
