Sherr i dhunshëm në Ksamil, arrestohen 4 persona

Sarandë.
Policia ka arrestuar në flagrancë 4 persona të cilët janë konfliktuar dhe kanosur me njëri-tjetrin.
Arrestohen shtetasit:
1- F. Pollo, 38 vjeç,
2- D. Pollo, 40 vjeç,
3- K. Ziflaj, 33 vjeç,
4- A. Ziflaj, 28 vjeç.
Të katër me banim në Ksamil.
Më datë 29.05.2017, shërbimet e policisë Sarandë kanë bërë të mundur arrestimin e tyre pasi këta shtetas në bashkëpunim me njëri-tjetrin (të ndarë në dy palë) janë konfliktuar për motive pronësie në Ksamil dhe pasi janë shoqëruar për në Komisariatin e Sarandës kanë filluar të konfliktohen fizikisht duke u kanosur para ambienteve të policisë.
Materialet iu referuan Prokurorisë në ngarkim të këtyre shtetasve për veprën penale “Kanosja”, “Plagosja e lehtë me dashje”, “Dëmtime të tjera me dashje” të kryera në bashkëpunim, të parashikuara nga nenet 84, 89, 90 dhe 25 të Kodit Penal.