Këngëtarja shqiptare Ava Max emri i vërtetë i të cilës është Amanda Koçi ka pushtuar të gjitha top listat botërore muzikore me këngën e saj “Sweet but Psycho”.
24-vjeçarja e lindur në SHBA, por me prindër nga Saranda aktualisht ndodhet në vendin e parë në Gjermani, Norvegji, Suedi, Finlandë, Danimarkë dhe sapo është renditur në vendin e parë ne “ITunes” në Britani.
Ndërkohë është duke u ngjitur me shumë sukses në top Listën Australiane, Kanadeze dhe atë Amerikane.
24-vjeçarja, e cila është pjesë e shtëpisë diskografike Warner njësoj si Rita Ora, Bebe Rexha dhe Dua Lipa, është tashmë duke punuar për të publikuar sa më shpejt albumin e saj të parë.
