Sarandë – 16-vjeçari kapet duke drejtuar një automjet, i gjendet edhe mjet prerës
Policia e Sarandës ka nisur procedimin penal në gjendje të lirë ndaj një 16-vjeçari, banues në qytet, pasi u kap duke drejtuar një automjet pa leje drejtimi. Gjatë kontrollit të ushtruar në automjetin që ai drejtonte, shërbimet e policisë gjetën dhe sekuestruan një mjet prerës (thikë).
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.
Drejtimi i automjeteve nga të mitur është kthyer në një fenomen shqetësues në Sarandë. Vitet e fundit janë regjistruar disa raste aksidentesh rrugore me pasoja fatale, për shkak të drejtimit të automjeteve nga persona të mitur.
Policia apelon për rritje të kujdesit nga prindërit dhe bashkëpunim me institucionet për të parandaluar këto fenomene që rrezikojnë jetën e qytetarëve.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
