Rrjeti muzeal SARANDA
Saranda, në paketën e saj turistike, si një qytet që ofron munësi të shumta për vizitorët e saj, ka të përfshirë edhe turizmin kulturor.
Për të gjithë artdashësit që vijnë këtu, mund të vizitojnë rrjetin muzeal: Galeria Art-Saranda, Muzeun e Traditës dhe Muzeun Arkeologjik “Onhezmi-Kaonia”, muze nëpër të cilat është i shpalosur i gjithë informacioni për turizmin kulturor të qytetit të vjetër të Sarandës.
Rrjeti muzeal Saranda mirëpret qindra vizitorë të njihen me objekte të ndryshme historike e kulturore, si për shembull: fotografitë, që memorizojnë pamjet e qytetit ndër vite, orenditë e ndryshme shtëpiake apo veglat e vjetra të punës me vlera të rëndësishme.
Gjithashtu pjesë e rrjetit muzeal janë edhe ekspozitat me krijimet e dhjetëra piktorëve e skulptorëve nga të gjitha trevat shqiptare, të cilët kanë shpalosur talentin e tyre mes pikturave dhe skulpturave të ndryshme, ku syri i njeriut kërkon detyrimisht të pushojë gjatë për t’i soditur.
Ekspozimi i të gjithë këtyre elementeve me karakter historik dhe bashkëkohor është duke u rritur vazhdimisht dhe qëllimi në vetvete i këtij promovimi qëndron në ruajtjen, identifikimin dhe përcjelljen e kulturës dhe artit tonë nëpër botë.
Rrjeti muzeal SARANDA
