Rrihet barbarisht shqiptari ne burgun grek

Një i ri shqiptar, 19 vjeç është rrahur së fundi barbarisht në burgjet greke . Sipas mediave greke mësohet se 19 vjeçari është Aleksandër Luka dhe dyshohet se bashkë me një 21 vjeçar grek kanë marrë pjesë në vrasjen e studente greke Eleni Topaloudi më 28 nëntor në Rodos, të Greqisë. Sipas mediave greke mësohet se ngjarja ka ndodhur në burgun e Avlonas, ku disa të burgosur grekë kanë hyrë në qelinë e të riut shqiptar dhe kanë dhunuar barbarisht shqiptarin Aleksandër Luka.

Këto janë pamjet të cilat mediat greke i kanë publikuar së fundmi. Në pamje shikohet sesi rrihet barbarisht në një burg grek 19-vjecari shqiptar, i cili dyshohet se bashkë me një grek vranë studenten greke Eleni Topaloudi më 28 nëntor në Rodos.

Edhe pse ai bërtet që nuk e bëri ai krimin, ata vazhdojnë ta dhunonjë duke e goditur . Ndërkohë që bëhet e ditur se pas dhunës së ushtruar, 19 vjeçari është dërguar në spital për të marë ndihmë mjekësore.