Tre persona janë plagosur në Sarandë, pas rrëzimit të tavanit të një lokali. Policia thotë se ngjarja ndodhi një ditë më parë në lagjen ‘Baba Rexhepi’, në katin e dytë të lokalit në pronësi të një shtetasi 64 vjeç, banues në Sarandë.
Rënia e tavanit të varur ka dëmtuar lehtë tre shtetas, 2 të moshës 43 dhe një tjetër 59 vjeç, banues në Sarandë e Bularat-Gjirokastër.
Tre personat e plagosur pas mjekimit në spital janë larguar në banesë.
Materialet i kaluan Prokurorinë pranë Gjykatës së Shkallës së Parë Sarandë për ngjarje aksidentale.
