Rrëfehet vrasësi i rojes së karburantit: Ja pse e vrava

Dëshmia e vrasësit të Sarandës: Më kapi paniku, nuk doja ta vrisja!
Mësohen pjesë nga dëshmia që 27 – vjeçari Arqile Koçi ka dhënë para prokurorëve për vrasjen e mëngjesit të së dielës në Qafë Gjashtë të Sarandës ku humbi jetën 44-vjecari Artan Hoxha. Viktima punonte prej pak kohësh në pikën e karburantit si roje nate.
“Kur roja u nis drejt meje u frikësova dhe e qëllova. Nuk doja ta vrisja. Desha vetëm paratë. Nuk e mbaj mend mirë kur qëllova pasi më kapi paniku” – janë këto disa nga fjalët e të riut të arrestuar.
Koçi u arrestua në një nga hotelet e zonës.
Bashkë me të në pranga përfundoi edhe shoku i tij M L, 33 vjeç, me akuzën se e ndihmoi pas vrasjes. Në shtëpinë e këtij u gjet arma e krimit, motori dhe dy qese me hashash.