Situata në qytetin e Delvinës sa shkon dhe bëhet më e rëndë si pasojë e infektimeve me Covid-19.
Vetëm ditën e sotme qyteti numëron 3 humbje jetësh, 2 persona humbën jetën në spitalet Covid në Tiranë, ndërsa 1 tjetër humbi jetën në Delvinë.
Prej fillimit të pandemisë në Delvinë numri i personave të cilët kanë humbur jetën si pasojë e Covid-19 i ka kaluar 10 persona.
Edhe numri i infektimeve të reja mbetet shumë i lartë në krahasim me popullsinë.
Ditën e djeshme, sipas njoftimit zyrtar të Ministrisë së Shëndetësisë, në Delvinë u numëruan 12 raste të reja me Covid.
