Rama thirrje bizneseve: Mos bëni gabimin fatal. Jemi akoma në Luftë

19/04/2016:26

Shperndaje:


Kryeministri Edi Rama u ka bërë thirrje të gjithë bizneseve që, nuk janë pjesë e listës që është publikuar tek e-Albania, të bëjnë kujdes dhe të mos e rihapin biznesin pasi do të ndërshkohen.

Kreu i qeverisë, përmes një postimi në rrjetet sociale, shkruan se bizneset e lejuara, në bazë të urdhërit të ministres së Shëndetësisë për javën e ardhshme (20-26 prill), janë të publikuara në portalin e-Albania, së bashku me protokollet përkatëse të sigurisë shëndetësore, dhe se nuk do të lejohet asnjë tjetër të nisë për momentin aktivitetin e tij.

Ndër të tjera kreu i qeverisë ka bërë me dije se në vijim të situatës me koronavirusin do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme 27 prill–3 maj.

🔴 KUJDES!

🔴 KONSTATOJMË SE KA DYQANE JOUSHQIMORE QË LAJMËROJNË HAPJE PËR NESËR! HAP I NXITUAR NË KUNDËRSHTIM ME LIGJIN ÇDO HAPJE E PAMIRATUAR NGA MINISTRIA E SHËNDETËSISË!

🔴 BIZNESET E LEJUARA, NË BAZË TË URDHËRIT TË MINISTRES SË SHËNDETËSISË PËR JAVËN E ARDHSHME (20-26 PRILL), JANË TË PUBLIKUARA NË PORTALIN E-ALBANIA, SË BASHKU ME PROTOKOLLET PËRKATËSE TË SIGURISË SHËNDETËSORE.

🔴 HAPJA E ÇDO AKTIVITETI TJETËR JASHTË ASAJ LISTE TË MIRATUAR ËSHTË E KUNDËRLIGJSHME. E-ALBANIA DO TË KETË GATI NGA SOT NË MBRËMJE EDHE LEJEN PËR USHTRIM AKTIVITETI NË BAZË TË LISTËS SË MIRATUAR, TË CILËN ÇDO BIZNES DUHET TA DISPONOJË NGA E MARTA E TUTJE PËR USHTRIMIN E VEPRIMTARISË SË VET.

🔴 JU LUTEM VERIFIKONI në faqen e e-albania nëse biznesi juaj mund të hapet nesër🙏

*duke parë ecurinë e përballjes me Armikun e Padukshëm, do të vendoset dhe lajmërohet në ditët në vijim hapja e mundshme e një blloku tjetër biznesesh gjatë javës së mëpastajme (27 PRILL – 3 MAJ)


Postimet e fundit

©SARANDAWEB - 2021 • Ndalohet riprodhimi i paautorizuar i përmbajtjes së kësaj faqeje.