Qytetarët kërkesë Bashkisë: Plazhi i Centralit të jetë publik

Një grup qytetarësh kanë inicuar një kërkesë për Plazhin e Cenralit që do t`i drejtohet Këshillit Bashkiak dhe Bashkisë Sarandë.
Qytetarët, duke u nisur nga eksperienca e vitit të kaluar, ku një pjesë e madhe e plazhit të Centralit u përdor për biznese qoftesh, birrash, por edhe lojrash elektronike, kërkojnë nga ana e bashkisë që përgjatë sezonit turistik të 2019 hapësira e plazhit të jetë e gjitha në shërbim të publikut.
Kërkesa ka parasysh nevojat e qytetarëve sarandiotë për të patur mundësi të bëjnë plazh në qytetin e tyre pa qenë të detyruar të paguajnë.
Nga ana tjetër qytetarët kundërshtojnë menaxhimin nga ana e bashkisë të këtij plazhi, pasi kjo formë menaxhimi shërben vetëm për punësimin e të familjarëve të zyrtarëve të Bashkisë, por edhe si një vatër e madhe korrupsioni dhe vjedhjesh.