PUBLIKOHET KËNGA MË E RE POPULLORE ME MOTIVE DASME DELVINJOTE
Kengetarë dhe instrumentistë nga Delvina prezantohen me një videoklip të ri. Ditën e sotme është publikuar klipi i ri me mjeshtrat e muzikës Artan Majko, Bledian Beqiraj, Altin Muco, Mateo Beqiri etj.
Sipas orkestruesit të këngës Bledian Beqiraj, kolazhi muzikor është një përmbledhje me motive dasme delvinjote.
Pjesë e grupit tashmë është bërë dhe këngëtari i njohur përmetar Mikel Rrapaj. Sipas tij synimi i këtyre bashkëpunimeve është mbajtja gjallë e traditës së popullit tonë me këngët që janë trashëguar prej qindra vitesh.
Orkestra Lëkurësi pritet që së shpejti të vijë me të tjera bashkëpunime të këtij lloji që në bazë do të kenë këngën dhe melodinë delvinjote.
