Megjithëse në Himarë është bërë një ndërhyrje në Shëtitore dhe vijën bregdetare, ajo nuk ka ndikuar për rritur ndjeshëm të potencialit turistik të qytetit.
Në qytetin e Himarës, por edhe në zonat rreth saj që përfshihen në Bashkinë e Himarës, ende janë disa projekte, të cilat presin finacimet nga qeveria shqiptare, projekte të cilat do ta kthenin zonën në një qendër të rëndësishme turistike.
Bëhet fjalë për projektet në rrugët me potencial të lartë turistik, si Rruga e Manastirit, Rruga Stefanel, si dhe do të ndërhyhet në rehabilitimin e Kalasë, rrugicave të saj dhe rrugëve të brendshme të qytetit.
Gjithashtu kërkohet të restaurohet kalaja e Porto Palermos, Kisha e Vasiliqisë, si dhe të ndërtohet një muze i Nëndetësve në Porto Palermo. Gjithashtu kërkohet të asfaltohet rruga Qendër Borsh-Haliq-Plasë Plazh, projekte këto që do të kishin direkt një impakt turistik për zonën.
