Me rastin e 15-vjetorit të përfshirjes së isopolifonisë shqiptare në listën e “Kryeveprave të njerëzimit”, të mbrojtura nga UNESCO, Presidenti i Republikës Ilir Meta ka nderuar me titullin “Mjeshtër i Madh” valltarin e talentuar Taip Madani (pas vdekjes).
Ky vlerësim vjen për kontributet e paçmueshme në interpretimin, ruajtjen, transmetimin dhe popullarizimin e vlerave të polifonisë me iso, në festivalet folklorike nëpër skenat kombëtare dhe ndërkombëtare të valltarit Taip Madani.
Me këtë rast Presidenti Ilir Meta është shprehur: “I merituar vlerësimi për këta korifenj të polifonisë, për gjithçka kanë bërë për Atdheun, për Flamurin, për shpirtin kulturor të kombit dhe lartësimin deri në UNESCO të polifonisë shqiptare!” 🇦🇱
