Prej shumë vitesh, fshatrat e minoritetit grek në Sarandë, kanë filluar të zbrazen
Të vetmit që kanë ngelur aty, janë ata pak të moshuar të vetmuar, që i shtyjnë ditët me punët e fshatit, duke pritur me sytë nga rruga fëmijët e tyre. Por fëmijët kanë kohë që kanë ikur.
Janë detyruar të lënë prindërit e tyre aty e të emigrojnë diku larg, në kërkim të një jetese më të mirë, pasi fshati nuk mund t’ua mundësojë këtë gjë. Fshati nuk ka më, as mundësitë e punësimit e as mundësitë e krijimit të një jetese normale e moderne, siç të rinjtë dëshirojnë.
Të moshuarit janë ulur këmbëkryq me vetminë, e cila është tashmë zonja e shtëpisë së tyre. Zërat e fëmijëve duket sikur janë shuar brenda atyre mureve boshe e ata kanë ngelur të detyruar të flenë përnatë përqafuar me mallin, duke i mbajtur gjallë shpresa se fëmijët po jetojnë në mirëqenien që s’ua mundësoi dot fshati. Ata janë të vetëdijshëm për faktin se e ardhmja e tyre do të ishte e vdekur në këtë vend, pasi fëmijët e tyre s’do të kishin mundësi punësimi në një fshat ku nuk investohet, në një fshat që ende vuan problemet e ndërprerjes së energjisë elektrike dhe ujit të pijshëm herë pas here.
Edhe shkollat gjithashtu, nuk mund të sigurojnë më kushtet për tu zhvilluar mësim e për këtë arsye, ata pak fëmijë që kanë ngelur, janë të detyruar të vazhdojnë shkollën në qytet, nëpër shkollat e Sarandës, duke pritur edhe ata që të vijë dita e të largohen sa më parë nga fshati. Të moshuarve, u duhet të jetojnë çdo ditë me frikën se kur të kenë probleme shëndetësore, asnjë fëmijë s’do jetë aty pranë të kujdeset për ta e t’i dërgojë në spital në Sarandë, pasi spitalet e fshatrave zor se funksionojnë më. Edhe ato pak biznese të vogla, si ushqimore, me të cilat mbajnë gjallë frymat e tyre, janë duke u shuar.
Duke kaluar koha, askush s’ka më fuqi që të kujdeset, e askush s’do kthehet që të investojë në to. Një i moshuar i cili kthen kokën nga e shkuara, shprehet: “Dikur dyqani ishte i mbushur plot, kurse tani s’ka më këmbë njeriu. Dhe më mirë që kanë ikur, sepse aty ku janë, kanë kushte më të mira se këtu”.
Një i moshuar tjetër, i cili ka 6 fëmijë thotë: “Të gjashtë fëmijët janë larg, sepse këtu nuk kanë çfarë të bëjnë. Drita s’kemi, ujë s’kemi”. Një tjetër, krejtësisht i pashpresë, thotë: “Djemtë kanë ikur dhe tokat kanë ngelur të papunuara dhe aty ku kemi investuar, çdo gjë është duke humbur.” “Ka shumë kohë që nuk është investuar në fshat dhe të rinjtë u detyruan të ikin për të pununar në Greqi, sepse këtu nuk kanë ndihmë nga shteti”, – shprehet një i moshuar tjetër. Ndërkohë, një zonjë e moshuar qahet: “Në çdo shtëpi kanë ngelur vetëm nga 2 pleq. Pa fëmijë s’mund të jetosh. Larg qoftë të sëmurem, s’kam askënd të më çojë në spital në Sarandë”.
Ata vazhdojnë të shprehen të pashpresë se në fshat ka humbur gjithçka dhe fatkeqësisht janë të vetëdijshëm se pas tyre, bashkë me ta, do vdesë dhe fshati. Ata të moshuar që jetojnë sot nëpër ato fshatra, janë të fundit që i japin fshatit mundësinë të jetojë edhe pak kohë. Të rinjtë, nëse kthehen një ditë, do mjaftohem vetëm me një vizitë të shkurtër e do largohen përsëri, duke lënë pas zbrazëtinë që jehon nëpër rrugët boshe.
VIDEO
Na ndiqni:
Postimet e fundit
Ndahet nga jeta njeriu i mirë dhe punëtor Vladimir Çumani
31/10/2111:26
NJOFTIM PUNËSIMI në Supermaket Your Market në Qafë Gjashtë
31/10/2111:26
Sherr në Bulevardin e Sarandës, i riu goditet me levë, transportohet në spital
31/10/2111:26
Humb jetën futbollisti veteran Fredi Mërkuri. Ngjarja gjatë një takimi miqësor – VIDEO
31/10/2111:26
Studentja shkërmoq propagandën e ministres: Asgjë nuk po bëni për rininë!
31/10/2111:26
Braktisen punimet e fasadave në Sarandë – FOTO
31/10/2111:26
NJOFTIM PUNËSIMI në Restorant në Bulevardin e Sarandës për Prill-Tetor. Me akomodim & ushqim
31/10/2111:26
Olta Xhaçka: Plazhet ua japim të fortëve mos të vijnë njerëz nga malet me çadra në duar – VIDEO
31/10/2111:26
Freedom House: Demokracia në Shqipëri asnjë përmirësim, liria e medias e përkeqësuar
31/10/2111:26
Vijon aksioni për heqjen e makinave të braktisura nga rrugët e Sarandës
31/10/2111:26
Rezervime
Dhomë dyshe me ballkon – Vila Park Bujari Ksamil
31/10/2111:26
Vila Alvin, Apartament 2+1 me pamje nga deti
31/10/2111:26
Dhoma dyshe në Hotel Mesopotami
31/10/2111:26
Vilë për pushime, me pishinë dhe gjelbërim
31/10/2111:26
Dhoma Ksamil
31/10/2111:26
Suvenire
PUNIME ARTIZANE BUTRINT PJETER PERKEQI 33
31/10/2111:26
PUNIME ARTIZANE ME MOTIVE NGA BUTRINTI, PJETER PERKEQI 8
31/10/2111:26
PUNIME ARTIZANE ME MOTIVE NGA BUTRINTI, PJETER PERKEQI 15
31/10/2111:26
PUNIME ARTIZANE ME MOTIVE NGA BUTRINTI, PJETER PERKEQI 16
31/10/2111:26
PUNIME ARTIZANE BUTRINT PJETER PERKEQI 32
31/10/2111:26