Policia: Arrestime në Sarandë, Delvinë e Sopik

Delvinë
Policia arreston në flagrancë një person për “Vjedhje, të mbetur në tentativë”. Arrestohet shtetasi:
Dritan Isa, 39 vjeç, banues në fshatin Rusan – Delvinë.
Arrestimi i këtij personi u bë pasi u kap në flagrancë nga Shërbimet e Policisë duke vjedhur (limona) në banesën e shtetasit: A.F, në fshatin Rusan të Delvinës.
Sarandë
Policia ka arrestuar në flagrancë një person për veprën penale “Largimi i të burgosurit nga vendi i qëndrimit”. Arrestohet shtetasi:
— Ylli Lepuri, 38 vjeç, banues në Laç.
Arrestimi i këtij personi u bë nga Shërbimet e Policisë në një “bar-lokal” në lagjen nr.1 të Sarandës, pasi ky shtetas ka qenë me masën e sigurisë “Arrest shtëpie” përkohësisht në qytetin e Sarandës për veprën penale “Prodhim dhe shitje narkotikësh”, vend nga i cili ky shtetas ishte larguar nga perimetri i arrestit të shtëpisë.
Policia ka ndaluar një person të shpallur në kërkim për “Kundërshtimin e urdhërit të punonjësit të policisë së rendit publik”. Arrestohet shtetasi:
— Pandeli Deneko, 47 vjeç, banues në fshatin Sopik – Sarandë.
Kapja dhe ndalimi i këtij personi u bë nga Shërbimet e Policisë pranë banesës së tij në fshatin Sopik të Sarandës, pasi më datë: 22.07.2014, ky shtetas ka kundërshtuar punonjësin e policisë duke mos iu bindur urdhërit të tij.
Vepër penale për të cilën shtetasi: Pandeli Deneko, është dënuar me 3 muaj burg.