Policia analizë për 2016, bie kriminaliteti, rritet prodhimi dhe kapja e kanabisit

Drejtoria e Policisë së Qarkut Vlorë, ku bëjnë pjesë edhe Komisariatet e Policisë Sarandë dhe Delvinë ka bërë sot analizën vjetore të punës së saj.
Në statistikat e ofruara nga policia, bie në sy një rënie e veprave penale në rrethet Sarandë dhe Delvinë.
Përsa i përket kultivimit të kanabisit, viti 2016 ishte vit i mbarë për kultivuesit, por edhe për policinë. Policia thotë se janë shënuar 35 raste të kultivimit dhe trafikimit të kanabisit.
Megjithëse nuk jepen shifra të sakta për sasinë e rrënjëve të kanabisit të shkatërruar gjatë operacioneve policore, ai llogaritet në rreth 35,000 rrënjë.
Nga ana tjetër rritje me 350%  ka shënuar edhe sasia e kanabisit të kapur nga policia, ku vitin 2016 janë sekuestruar 1377 kg kanabis, ndërsa vitin 2015 kishte 398 kg kanabis të sekuestruar nga policia e Sarandës dhe Delvinës.