Nga ana e Bashkisë përpara rreth 3 muajsh, nëpërmjet facebook të bashkisë u bë publike se kishte filluar konsultimi me banorët për hartimin e buxhetit të 2017.
Por këtë fat e patën vetëm fermerët e Metoqit, sepse banorët e tjerë të bashkisë Sarandë nuk patën fatin e fermerëve të Metoqit t`ju dëgjohej zëri, sepse konsultimet u ndërprenë.
Saranda Web ka mësuar nga burime në Këshillin Bashkiak Sarandë se nga ana e Bashkisë Sarandë ende nuk është paraqitur projekt-buxheti.
Mos miratimi i buxhetit ka penalizuar shumë shtesa qytetarësh, duke përfshirë qytetarët që presin ndihmën ekonomike dhe deri te futbollistët e ekipit të Butrintit.
Nga ana tjetër, mos miratimi i buxhetit pengon edhe investimet që mund të kryheshin me fondet e Bashkisë.
Ndërkohë që për këtë situatë nuk ka asnjë reagim as nga opozita, e cila me sa duket prookupim kryesor ka grumbullimin e vullnetarëve të përjavshëm të Çadrës.
