Plagosje me thikë në Sarandë, 38-vjeçari përfundon në spital
Rreth orës 19:10 të mbrëmjes së sotme, në lagjen nr.1 të Sarandës, një konflikt i çastit për motive të dobëta ka përfunduar në një ngjarje të rëndë. Shtetasi D. R. dyshohet se ka plagosur me mjet prerës (thikë) shtetasin M. D., 38 vjeç, i cili është dërguar menjëherë në spital dhe fatmirësisht ndodhet jashtë rrezikut për jetën.
Policia ka mbërritur në vendngjarje dhe po vijon kërkimin për kapjen e autorit të dyshuar. Grupi hetimor është duke punuar për zbardhjen e plotë të rrethanave të kësaj ngjarjeje të rëndë që ka tronditur komunitetin e lagjes.
