Dy automjete janë përfshirë nga flakët si pasojë e një aksidenti të ndodhur në aksin rrugor Sarandë-Muzinë.
Aksidenti ndodhi rreth orës 04:30, në aksin rrugor Sarandë- Muzinë, mjeti tip “Kamion-Maune”, me drejtues 54- vjeçarin M.S., banues në Ferizaj, Kosovë, kishte ndalur për të fryrë gomën.
Në këto kushte i ka ardhur një mjet tjetër tip “Volkswagen”, me drejtues shtetasin kroat Ll.Y., 25 vjeç, duke e goditur në pjesën e karorcës.
Për shkak të përplasjes së Volkswagenit me rimorkion e kamionit, mjetet kanë marrë flakë të dy duke pësuar vetëm dëme materiale të pjesshme.
