Përleshje për 1 vend parkimi në Ksamil – një dërgohet spital në Tiranë, një i arrestuar dhe disa të proceduar
Një konflikt i dhunshëm mes disa personave është regjistruar mbrëmjen e së premtes në Ksamil, rreth orës 21:15, ku shkak dyshohet të jetë bërë një vend parkimi.
Policia ka arrestuar shtetasin turk H. D., 26 vjeç, me banim të përkohshëm në Prishtinë, pasi gjatë sherrit për motive të dobëta, ka goditur me grushte shtetasin A. M., 54 vjeç, banues në Ksamil. Ky i fundit ka pësuar dëmtime në kokë dhe është dërguar në Spitalin e Traumës në Tiranë, ku ndodhet nën kujdesin e mjekëve.
Gjithashtu, uniformat blu kanë nisur procedim penal në gjendje të lirë edhe për shtetasit e tjerë të përfshirë në konflikt: B. M., 50 vjeç, Sh. M., 42 vjeç, shtetasin e dëmtuar A. M., si dhe shtetasin turk A. B., 26 vjeç.
Hetimet për zbardhjen e plotë të ngjarjes vijojnë.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
