E mbetur rreth 3 muaj pa kryetar, Partia Demokratike Sarandë përfundimisht ka marrë sot një lajm të gezuar: Kryetari Lulzim Basha ka vendosur të hapet gara për zgjedhjen e kryetarit të ri.
Në udhëzimin e shpërndarë degëve të PD janë përcaktuar edhe kriteret që duhet të gëzojë kandidati, ku si prioritet përcaktohet se kandidati duhet të gëzojë reputacion të lartë dhe të ketë komunikim të mirë.
Së bashku me procesin e zgjedhjeve për drejtuesit e rinj, PD përgatitet edhe për të selektuar emrat e kandidatëve për kryetar bashkie. 
