Pensionistët e fshatit Çukë, Bashkia Sarandë, ende nuk e kanë marrë shpërblimin e premtuar për Vitin e Ri.
Ndonëse ata mblidhen çdo mëngjes në 2 lokalet e fshatit ku bëhet edhe shpërndarja e pensioneve, pasi mungon një pikë shpërndarjeje, ata kthehen përsëri nëpër shtëpi duarbosh, madje pa arritur të pinë as edhe një kafe, pasi kursimet e tyre i kanë shpenzuar për festën e Vitit të Ri.
Në një komunikim me Saranda Web ata shprehen se kërkojnë nga institucionet caktimin e një date fikse për shpërndarjen e pensioneve, pasi nuk mund të dalin çdo mëngjes në pritje se kur do të marrin paratë e pensionit.
