Paketa Fiskale 2016 prezantohet dhe këshillohet me biznesin

Paketa Fiskale 2016 prezantohet dhe këshillohet me biznesin

Në sallën e konferencave të hotel “Mediterrane”, është bërë prezantimi dhe këshillimi i paketës së re fiskale. Kryetaria e Bashkisë Floriana Koka, ftoi të pranishmit të shprehin mendimet dhe opinionet e vrejtjet e tyre në lidhje me paketën fiskale.

Ajo nënvizoi në fjalën e saj se kjo pakët nuk është hartuar me qëllimin që të rëndojë bisnesin,përkundrazi ajo e vlerësoj bisnesin si partner të rëndësishëm,duke e quajtur lokomotiva e zhvillimit të ekonomisë lokale. Në hartimin e paketës fiskale është patur parasysh rritja e bazës së tatim paguesve dhe jo rritja e taksave. Paketa e re është reflektuese ndaj mendimit përfaqësuesve të bisnesit para se ajo t’i paraqitet këshillit bashkiak.

Paketa Fiskale 2016

Drejtori i Tatim Taksave në Bashki, Bujar Allushi, u shpreh se paketa fiskale e këtij viti nuk ka shumë ndryshime nga viti i kaluar por, ajo që është vënë re është se sistemi i taksave dhe vjelia e tyre nuk ka funksionuar si duhet. Ndërsa përfaqësues nga fusha të ndryshme të biznesit kërkuan që në paketën e re fiskale të pasqyrohen disa shqetësime të tyre që kanë të bëjnë me mosrritjen e taksës për sipërfaqet të plazheve përpara hoteleve të tyre.

U kërkua që taksa e hequr nga biznesi i vogël me vendim të qeverisë të mos bëhet barrë për bisnesin e madh. Në takim u premtua që mendimi dhe opinioni i përfaqësuesve të bisneseve do të dëgjohet dhe do të reflektohet në korrigjimet e mundshme që do t’i bëhen kësaj pakete, përpara se ajo t’i paraqitet këshillit bashkiak.

Në këtë takim krahas kryetares Koka dhe nën kryetareve Mitro e Kiço, mori pjesë edhe kryetaria e këshillit bashkiak Tatiana Alikaj, nën kryetarët e bashkisë Jorgo Mitro e Kristaq Kiço, si dhe disa nga anëtarët e këshillit bashkiak që drejtojnë biznese. Një këshillim i tillë së shpejti do të zhvillohet edhe me përfaqësues të bisneseve në Ksamil, njësi administrative e bashkisë së re të Sarandës.