Edhe pse pak ditë më parë Inspektoriati Shtetëror i Mjedisit kishte ndërhyre pas ndotjes që i bëhej bregdetit dhe ujrave në Ksamil, ndotja nuk ka të ndalur. Inspektoriati Shtetëror i Mjedisit Vlorë, pas denoncimeve të banorëve dhe pushuesve në Ksamil, kishte gjobitur me 5 milionë lekë të vjetra firmën zbatuese të projektit të kanalizimeve në Ksamil. Gjatë ditëve të fundit, nga firma zbatuese e projektit, ujrat e kanalizimeve ku kryhen punimet nëpërmjet një tubacioni shkarkoheshin në det, duke sjellë një ndotje të gjithë zonës detare. Punimet për rrjetin e ri të kanalizimeve në Ksamil u ndërprenë në fillim të sezonit turistik për të rifilluar në muajin tetor. Ende nuk dihet se kur do të përfundojë investimi aq i nevojshëm për qytezën turistike të Ksamilit.
