Një sarandiot mund të jetë deputeti më i ri i Parlamentit. Nëse Komisioni Qëndror i Zgjedhjeve do të vendosi heqjen e mandatit për deputetin Dashamir Tahiri, tani pjesë e grupit parlamentar të PD, atëherë vendin e tij do ta zërë numri 2 i listës së PDIU për Qarkun Vlorë. Ai është Edmond Zejno nga Saranda.
Zejno gjatë fushatës së 2013 zhvilloi një fushatë të fuqishme në Sarandë dhe Delvinë me shpresën se PDIU do të arrinte të merrte 2 mandate në Qarkun e Vlorës. Edhe drejtuesit e PDIU ia lanë atëherë Edmond Zejnos gjithë barrën e fushatës elektorale në Sarandë dhe Delvinë.
PDIU arriti të merrte në zonat e Sarandës dhe Delvinës rreth 2200 vota.
