NGJARJE E RËNDË: Gruaja vret burrin me sëpatë

24/12/249:50

Shperndaje:

NGJARJE E RËNDË: Gruaja vret burrin me sëpatë

Një ngjarje tronditëse ka ndodhur në fshatin Metoq të Sarandës, ku një grua dyshohet se ka vrarë bashkëshortin e saj gjatë natës.

Sipas informacioneve të para, shtetasja E. T., 49 vjeçe, ka goditur me sëpatë në kokë bashkëshortin e saj, Ll. T., 55 vjeç, teksa ai po flinte në banesën e tyre. Si pasojë e goditjeve, ai ka humbur jetën në vend.

Menjëherë pas ngjarjes, shërbimet e Policisë kanë mbërritur në vendngjarje dhe kanë shoqëruar gruan në ambientet e Komisariatit të Sarandës.

Nga të dhënat paraprake mësohet se autorja e dyshuar, Elvira Tahiraj, dyshohet se vuan nga çrregullime mendore, çka mund të ketë ndikuar në kryerjen e këtij akti ekstrem. Grupi hetimor, nën drejtimin e Prokurorisë, po punon për zbardhjen e plotë të rrethanave dhe për dokumentimin ligjor të krimit.

Ngjarja ka tronditur jo vetëm familjarët, por edhe komunitetin e qetë të fshatit Metoq, i cili është përballur me një situatë të paprecedentë.

Policia ka bërë të ditur se vijojnë hetimet për të sqaruar motivet dhe dinamikën e ngjarjes.

Lajm i përditësuar: Gruaja vret burrin me sëpatë