Një sasi prej 800 kg kanabis është kapur mëngjesin e sotëm nga policia greke.
Aksioni për kapjen e kësaj sasie është zhvilluar rreth orës 06:00 (me orën greke) në zonën e Rripit të Sajadhës.
Droga ishte fshehur në një kamion frigoriferik, nga ku janë arrestuar dy grekë, shoferi dhe shoqëruesja.
Burime bëjnë me dije se droga është kapur pranë një qendre me vaska peshkimi në Sajadhë, e për pasojë dyshohet se mund të jetë transportuar me skaf ose varka, por nuk përjashtohet mundësia që droga të ketë hyrë nëpërmjet kufirit tokësor nga Shqipëria.
Kjo është sasia më e madhe e kapur gjatë vitit të fundit në këtë zonë.
