Në Sarandë është zbuluar një mur antik që mendohet se i përket periudhës romake, në vitet 230 para Krishtit. Monumenti i kulturës u zbulua gjatë punimeve në Rrugën e Flamurit, gjatë ndërhyrjes që po bëhet në këtë segment për tubacionet e kanalizimeve të ujërave të zeza.Punimet që bëhen në Rrugën e Flamurit në Sarandë, kanë nxjerrë një sipërfaqe një mur antik, me elementë me tulla qeramike që i përkasin periudhës romake.
Përgjegjësi për Monumentet e Kulturës në Sarandë, Vladimir Dema, thotë se muri i përket viteve 230 para Krishtit, pasi zona bregdetare ka qenë ndër të parat që ka ndjerë efektet e kolonizimit romak.
Në shumë pjesë të qytetit gjatë gërmimeve për ndërtimet e pallateve apo kanalizimeve janë gjetur shumë pjesë të mureve apo ndërtesave antike dhe ata kanë patur të njëjtin fat, groposjen dhe mbulim përsëri, por këtë herë me beton.
