Ngjarja ka ndodhur në qytetin e Sarandës, ku një 26-vjeçar nga Vlora ka marrë me qera një automjet të markës “Suzuki”.
Mësohet se i riu nga Vlora automjetin e ka marrë me qera në datën 21 Dhjetor, ditë që përkon edhe me ditëlindjen e Stalinit, por nuk e ka kthyer brenda afatit.
Duke parë se ditët po kalonin dhe personi që kishte marre me qera automjetin nuk po bëhej i gjallë, pronari i agjensisë ka vendosur t`i drejtohet Komisariatit të Policisë Sarandë.
Pasi policia ka kryer verifikimet, materialet ia ka përcjellë prokurorisë për ndjekje penale dhe shpalljen në kërkim të të riut nga Vlora, i cili është zhdukur së bashku me automjetin e marrë me qera në Sarandë.
