Për ditë me radhë, lopët ushqehen me mbeturinat që qytetarët i kanë hedhur në këtë cep të lagjes nr 4 në Lugun e Dardhës . Siç shikohet edhe nga fotot lopa kullot e pashqetësuar midis mbeturinave për të gjetur ushqimin e ditës. Sipas banorëve, janë disa lopë që qëndrojnë për një kohë të gjatë në këtë hapësirë me mbeturina, derisa vjen dikush dhe i merr.
Gjithsej në këtë lagje janë mbi 30 lopë të cilat janë bërë shqetësim i përditshëm i banorëve të zonës. Fotot janë realizuar mbi rrugën e 5-të aty ku kalon gjurma e rrugës së 6-të. përvec faktit që lopa ushqehet me mbeturinat shqetësues është edhe fakti tjetër që kjo zonë është bërë vendgrumbullim i mbeturinave pasi disa prej banorëve të kësaj zone preferojnë që t’i hedhin mbeturinat jo në kazanin e plehrave por tek kjo ndërtesë e lënë përgjysmë. Natyrshëm lind pyetja kush e konsumon qumshtin e këtyre lopëve që konsumojnë mbeturina?
