Koronavirusi s’i tremb shqiptarët e Kosovës, më të shumtë se vitin e kaluar për pushime në Shqipëri

Pandemia e koronavirusit nuk i ka vënë në diskutime pushimet që shqiptarët e Kosovës zgjedhin të bëjnë në Shqipëri. Frika është prezente, por bazuar te shifrat, ashtu si edhe në vite të tjera, deri më tani, kanë qenë të shumtë ata shqiptarë të Kosovës që kanë kaluar kufirin me destinacion bregdetin.

Bazuar në të dhënat e Policisë së Kosovës në njëmbëdhjetë ditët e fundit ose më saktësisht nga data 26.06.2020 deri më 06.07.2020 numri i kosovarëve që kanë udhëtuar drejt Shqipërisë përmes Morinit ka qenë 76.974 qytetarë.

Krahasuar me të njëjtën periudhë të vitit të kaluar, këtë verë kanë hyrë 2.666 qyetetarë më shumë. Saktësisht numri i atyre që kanë hyrë nga pika kufitare e Morinës është 74.308.

Pushuesit nga Kosova aktualisht përbëjnë numrin më të madh të pushuesve në Sarandë dhe Ksamil.