Konflikti i demokratëve të Sarandës zhvendoset në zyrën e Bashës

13/11/1816:42

Shperndaje:


 

Konflikti tashmë i njohur mes grupeve në Partinë Demokratike të Degës së Sarandës ditën e sotme është zhvendosur në zyrën e kryetarit të kësaj partie Lulzim Basha.
 

Duke qenë se debatet te demokratët e Sarandës kishin arritur disa herë deri në prag të shpërthimit të dhunës mes tyre, ata i kanë kërkuar fillimisht të deleguarit të PD Fatbardh Kadilli ndërhyrjet e tij.
 Konflikti kishte të bënte me mënyrën e menaxhimit të procesit të zgjedhjes së drejtuesve të seksioneve, ku nga grupi i punës u vendos se kandidatët do të miratoheshin fillimisht prej tyre.   Duke qenë se ky rregull nuk gjendej në asnjë pikë të statutit dhe as në udhëzimin e dërguar nga kryesia, por ishte një manovër për të siguruar manipulimin e procesit të zgjedhjeve për kryetarin e Degës, demokratët e kundërshtuan këtë.
 Por duke parë se i deleguari Fatbardh Kadilli nuk ndërhyri në mbrojtje të Statutit dhe heshti ndaj këtij manipulimi, demokratët i kërkuan ndërhyrje kryetarit Lulzim Basha, i cili nga ana e tij i ftoi ditën e sotme dy grupet në takim në selinë qëndrore.
 Ende nuk dihet se çfarë është biseduar, por një burim i Saranda Web ka mësuar se Basha mezi i ka nxjerrë nga zyra dy grupet, çka do të thotë se mosmarëveshjet ka qenë të thella dhe nuk pritet të jenë zbehur.

 


Ndajeni me miqte:

Postimet e fundit

Shkolla “DEA 2001” aktivitet sensibilizues në kuadër të Tetorit Rozë – VIDEO
Shkolla “Shefqet Sulejmani” feston 50-vjetorin – Gjysmë shekulli histori, arsim dhe kujtime në Gjashtë
EcoAlbania: ‘Zonat e Mbrojtura kanë Rëndësi’ – Debat publik për të ardhmen e Butrintit – VIDEO
Ardit Bido: RTSH duhet të ketë sinjal në Janjar, Vërvë e Dishat e deri në Igumenicë – VIDEO
Bllokimi i monopatinave me urdhër të ministres në rrjetet sociale, qytetarët nisin protestat
Qytetarët denoncojnë: Skaneri në Spitalin e Sarandës jashtë funksionit, spitali reagon: Pajisja e re tashmë në punë

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.