Këshilltari Dritan Peçi theksoi se ka zyrtarë të Bashkisë, anëtarë të Këshillit Bashkiak dhe biznesmenë që nuk paguajnë taksa ose paguajnë shumë pak në krahasim me aktivitetin që zhvillojnë.
Taksat në këtë qytet i paguajnë vetëm të pambrojturit, të cilët në disa raste paguajnë edhe me shumë se çfarë parashikon ligji, theksoi Dritan Peçi.
Dritan Peçi e kishte ngritur këtë shqetësim edhe në mbledhjen pararendëse të Këshillit Bashkiak, por ashtu si edhe në këtë mbledhje, kishte mbizotëruar heshtja nga zyrtarët e Bashkisë dhe ulje koke nga këshilltarët bashkiakë, të cilët pavarësisht se mund të jenë edhe përfaqësues të opozitës, janë të favorizuar në mospagimin e taksave.
