Këshilli Bashkiak mblidhet për buxhetin, qytetarët të painformuar, opozita bën gati celularët për selfie

Megjithëse Këshilli Bashkiak i Sarandës do të mblidhet ditën e shtunë në ambientet e një hoteli luksoz për miratimin e Buxhetit të Bashkisë, qytetarët janë ende të painformuar për projekt buxhetin që pritet të miratohet. As websaiti i bashkisë nuk ofron  asnjë information rreth projekt buxhetit që pritet të miratohet. 

Vetëm pak ditë më parë Këshilli Bashkiak i Sarandës miratoi një vendim shumë të rëndësishëm që kishte të bënte me vendosjen e shërbimit me pagesë për rrugët kryesore të qytetit. Kujtojmë se as për këtë vendim nuk pati asnjë konsultim paraprak me qytetarët. Vetë forma e zbatimit të shërbimit me pagesë në rrugët e qytetit nga vetë Bashkia krijon premisa për abuzime me këtë shërbim. 

Ajo që bie në sy është edhe “heshtja e varrit” të opozitës, duke i shfrytëzuar mbledhjet e Këshillit Bashkiak për Selfie. Dhe me të drejtë qytetarët kanë shumë arsye të dyshojnë se ka një pakt heshtjeje mes këshilltarëve të opozitës dhe bashkisë.