Kandidatët e PS takim në Metoq. Banorët: Duam ujë

Kandidatët për deputetë të Partisë Socialiste në Qarkun Vlorë ka zhvilluar pasditen e sotme takime elektorale në fshatin Metoq. Në takim ishin të pranishëm kandidati Alket Hyseni, i treti në listë, Ramiz Hysi, i dhjeti në listë dhe Adrian Gurma, i njëmbëdhjeti në listën e Partisë Socialiste për Qarkun Vlorë.
Gjatë takimit kandidati Alket Hyseni u shpreh se Metoqi në 25 qershor do të bëjë atë që ka bërë gjithmonë, do të votojë Partinë Socialiste.
Ndërsa kandidati Ramiz Hysi u shpreh se banorët e Metoqit pas 25 qershorit do të ndiejnë dorën e ngrohtë të shtetit.
Nga ana e tyre banorët e Metoqit shprehën pakënaqësitë e tyre për furnizimin me ujë të pijshëm, për infrastrukturën dhe politikat e qeverisë ndaj bujqësisë.
Ky takim u përcoll në live në faqen në fb të kandidatit Hyseni, por që më pas u fshi.