Kur kanë mbetur vetëm pak muaj nga mbyllja e mandatit 4 vjecar i kryetar i Bashkisë Himarë, Jorgo Goro i është rikthyer premtimit të bërë 4 vjet më parë.
Gjatë fushatës elektorale të 2015 Jorgo Goro ka lënë të shkruar në librin e kujtimeve të Profit Zanit se do të bëhet asfaltimi i rrugës për të mundësuar mbërritjen e vizitorëve edhe në këtë fshat.
Gjatë ditës së djeshme në faqen e bashkisë Himarë janë publikuar disa foto të një buldoze, e cila sistemon rrugën e dëmtuar nga shirat, por që nga bashkia Himarë trumbetohet si “Fterra duke u sistemuar rruga qe lidh kete fshat me rrugen nacionale. Dite pune ne Fterre, ku koleget tane po marrin te gjitha masat per te bere kete rruge te kalueshme“.
Madje thuhet se “Se shpejti rruga do te shtrohet me asfalt, per te patur nje tjeter rruge te perfunduar dhe me kushte sigurie rrugore, sinjalistike te pershtatshme, ashtu si projekti i Pilurit tashme i realizuar”
