Edhe në fshatin Janicat, në Bashkinë Finiq, fshat të cilin kryetari Leonidha Hristo nuk e ka shkelur asnjëherë deri sot, banorët përballen me 3 probleme jetike:
Mungesë të ujit të pijshëm, shërbimit mjeksor dhe rruga.
Uji për banorët e fshatit sigurohet nga një pellg që i ngjan gjurmës së gomarit, pasi kroi është prishur dhe nga bashkia nuk ka patur asnjë ndërhyrje për rregullimin e tij.
Ambulanca e fshatit ka pa hapur dyert që prej ditës kur të 14 banorët e fshatit votuan për Leonidha Hriston dhe aktualisht shërben si depo për kosheret e bletëve.
Rruga i ngjan një shtegu dhish që kalohet vetëm me foristrada dhe se banorët shprehen se shumë herë kanë mbetur edhe pa bukë për shkak se automjetet nuk mund të kalojnë.
Për këto probleme banorët shprehen se i kanë kërkuar ndërhyrje kryetarit të bashkisë Leonidha Hristo disa herë, por si përgjigje kanë marrë vetëm mashtrimet.
