Jani Babi, nëpërmjet një postimi në postimi në facebook, ka shprehur gatishmërinë për t’u vënë shërbim të komunitetit duke kandiduar për drejtimin e Bashkisë së Finiqit.
Në publikimin në faqen e tij ai shprehet se “Unë jam këtu duke kërkuar bashkinë e Finiqit si një kandidat me ide inovative dhe mbi të gjitha për qytetarët e mi pa u penguar nga distancat e largësisë.
Për mua, përparësi siç kam thënë dhe bërë, janë banorët dhe fshatrat e largët, duke i dhënë peshë infrastrukturës që është e vetëkuptueshme për çdo qytetar, për shëndetin, për transportin dhe për ujin,
Do të jem pranë fermerëve tanë në çdo vështirësi që duhet të gjejmë një zgjidhje”.
Banorët e fshatrave të Finiqit përballen me probleme si rrugët e dëmtuara, mungesa e ujit, mungesa e shërbimeve shëndetësore etj. Edhe për ata pak banorë të mbetur, të cilët merren kryesisht me blegtori, jetesa dhe mbijetesa bëhet edhe më e vështirë edhe për shkak të tarifave për kullotat, të cilat gjatë 3 viteve të fundit janë 5-fishuar.
Më herët, Jani Babi duke ndjekur vështirësitë me të cilat përballen këta banorë, do të shkruante “Nuk është e largët dita që qytetarët e Bashkisë së Finiqit do të rifitojnë dinjitetin dhe krenarinë e tyre, pa lutje nënshtruese dhe rryshfete mashtruese.
Do të jem pranë të gjithë qytetarëve, por edhe pranë gjithëseicilit vecmas, dhe sidomos pranë grupeve të rrezikuara.
Pak durim akoma” – shkruante Jani Babi një muaj më parë.
Jani Babi kishte kandiduar për kryetar bashkie në Finiq edhe 4 vite më parë, por ndërhyrjet dhe lufta e ashpër e bërë nga Koco Kokëdhima në favor të Leonidha Hristos, pavarësisht se partitë e minoritetit grek Mega dhe PBdnj nuk ishin rreshtuar në asnjë kualicion, ndikuan në humbjen e Jani Babit.
