I riu 27-vjeçar humb jetën në aksidentin tragjik në ishullin Mikonos

Një 27-vjeçar shqiptar ka humbur jetën në një aksident tragjik në Mykonos, Greqi.

Mediat fqinje raportojnë se aksidenti i rëndë automobilistik ka ndodhur në zonën e Skylabela.

I riu shqipar thuhet se ka humbur kontrollin e makinës për arsye të panjohura, ka dalë nga rruga dhe makina është përmbysur. Përplasja ka qenë aq e rëndë sa drejtuesi 27-vjeçar ka dalë nga automjeti i tij.

Pavarësisht ndërhyrjes së ambulanacave dhe zjarrfikësve, i riu me origjinë shqiptare, banues i përhershëm prej shumë vitesh në ishull, me nënshtetësi greke, nuk arriti të mbijetonte.
Shqiptari punonte në një plazh të njohur në ishull.