Është zhvilluar në Gjykatën e Sarandës mesditën e së enjtes seanca gjyqësore, pas një kërkesë padije të bërë nga Zyra e Sherbimeve Sociale e Bashkisë, Sarandë, për pajisjen me urdhër të menjëhershëm mbrojtjeje të 17 vjeçares nga prindët e vet.
17 vjeçarja është adoleshentja për të cilën është ndaluar nga policia dy ditë më parë 72- vjeçari, B. Tusha, i akuzuar për veprën penale “Marrëdhënie seksuale ose homoseksuale me dhunë me të mitur”.
Ndërkohë që 17 -vjeçarja që nga mbasditja e së mërkurës ndodhet në një qendër rehabilitimi në Tiranë.
Në kopjen e këtij vendimi, tashmë urdhër, lëshuar nga gjykata, kopje të cilën, e kanë edhe prindët e adoleshentes, thuhet:
Ndalimi i të paditurve, X…. X…. dhe Z…. Z…. për t’u takuar, kontaktuar ose komunikuar drejtpërdrejtë ose tërthorazi me fëmijën e tyre.
Fëmija e mitur të strehohet përkohësisht larg familjes.
Kohëzgjatja e masave të mbrojtjes, sipas këtij urdhëri, është deri në datën e përfundimit të gjykimit.
