Lajmi bëhet i ditur nga aktivisti Adriatik Lapaj nëpërmjet një postimi në facebook, në të cilin ndër të tjera shkruan:
Sa herë zbres në Sarandë kaloj dhe kontrolloj 1 për 1 të gjitha pemët që mbjellim.
Kam qenë i surprizuar për mirë nga punonjësit e pastrim gjelbërimit të Bashkisë Sarandë për kujdesin dhe mirëmbajtjen. Mirënjohje!
Sot u trishtova pafund. Sot 8 nga pemët e mbjella dhe rritura me mundim ishin dëmtuar nga firma zbatuese e punimeve FUSHA SHPK.
Pa asnjë standard dhe njerzillëk i kishin hedhur tubot e rikonstruksionit të shëtitores mbi pemët e mbjella nga kontributet qytetare.
Mbi këtë akt vandal sot i jam drejtuar me ankesë personale kryetarit të Bashkisë Sarandë, Z. Adrian Gurma të cilit i kam shprehur shqetësimin dhe revoltën e ekipit të Nismës “Dhuro një lule për Sarandën” dhe i kam kërkuar marrjen e masave urgjente për rehabilitimin e pemëve…
