Home Arkeologjike Fshati Sasaj, Sarandë

Fshati Sasaj, Sarandë

SHARE

sasajFshati Sasaj ndodhet në Bregdet, midis fshatit Lukovë dhe fshatit Piqerras. Sasaj është një fshat i vogël por me shtëpi karakteristike të vendit dhe i mbushur me një shumëllojshmëri pemësh frutore. Çdo shtëpi mund të ketë disa pemë nga më të ndryshmet dhe shumë të shijshme. Gjithashtu nga fshati i pozicionuar në bregun malor, mund të shihet plazhi i Bunecit dhe deti i shtrirë në një hapësirë të pafundme, ashtu siç ndodh me shumicën e fshatrave të Bregdetit Sarandë-Vlorë. Mund të themi se është padyshim një fshat shumë i bukur. Aty kalon dhe një ujësjellës në kanal, që vjen nga Tatzati dhe derdhet në HEC-in që është ndërtuar në Bunec.
sasaj 3Kanali dhe burimet, por edhe pylli, i jep fshatit Sasaj një bukuri që të qetëson mjaft! Banorët e fshatit përgjithësisht jetojnë në emigrim, kryesisht në Greqi. Në fshatin Sasaj nuk gjetëm as një kafe-bar të vetme. Në qendër të fshtatit ekziston dhe një xhami që duket se është ndërtuar në një perjudhë të vonë por që e cila duket se nuk ka besimtar që të praktikojnë besimin e tyre. Në fshatin Sasaj, një zonë e tërë mban emrin Shën Marina, gjë që në asnjë fshat tjetër të Bregdetit nuk gjendet një zonë që të mbajë këtë emër. Veç rrugës kryesore të asfaltuar që shkon në fshat, ekziston dhe një rrugicë me kalldrëme që e lidh fshatin me rrugën nacionale, e ndërtuar qysh prej kohës së italianit. Sot kjo rrugicë është në gjendje të pamirëmbajtur. Fshati Sasaj ndodhet përafërsisht 35 km distancë nga qyteti i Sarandës.

Loading...

.